كل عام وانتو بخييييييييييييييييييييييييييير

احم احم احم
بداية يسرني ويشرفني ويكون من دواعي سروري ومن صماصيم قلبي أنا أقول لكم كل عام وانتو بألف ألف ألف خير
أما بعد
اي يا صباب ويا شبايا اجى رمضان وأهلا وسهلا ومرحبا
ومو لازم نتركه يروح زعلان
يعني شو فيها اذا كل يوم قرأنا جزء من القرآن وبآخر رمضان منكون ختمنا القرآن بإذن الله
هلأ بيني وبينك كل واحد بيقول هيك
وبيقول لحالو بدي اعمل هيك
بس أول يوم يومين جمعة بيصير يقرأ
بعدين بصير يمل خزيت العين وآخر شي ما بيعود يقرأ كتير
مشان هيك لازم من أول رمضان تكون همتنا ان شاء الله عالية
ونضل نقرأ لحتى نختم القرآن ان شاء الله

كمان شغلة تانية
مشان البابا والماما (بالسوري ) اي أبوي وأمي (بالخليجي )
لازم نهتم شوي بطاعة أهلنا
يعني اذا شي واحد قلو أبو يسوي شي شغلة ما بيضل عشر ساعات ليساويها
أو اذا شي وحدة قالتلها امها قومي امسحي الأرض أو اجلي الجليات أو شوفي الطبخة إذا احترقت ولا لسا
مو بتضل ليخلص بابا الحارة لتقوم

كمان لازم نكتر شوي من ذكر الله تعالى
يعني مافي مشكلة اذا الواحد بس يطلع إعلان بنص المسلسل يذكر الله شوي لبين ما يرجع المسلسل

كمان في شغلة
آخر شغلة بعرف مليتو من كلامي
خزيت العين في كتير ناس ما بيصلو الصبح حاضر (مشان ما يصير كذب أنا منهن بس مو دائماً ما بصليه حاضر )
اي المهم يعني مافي مشكلة اذا الواحد بعد ما يتسحر يقوم يصلي الصبح
أحسن ما يرجع عالفرشة وينام

وأخيراً حابب اختم بحيث شريف عن فضل شهر رمضان وبتمنى ما نخلي رمضان يروح قبل ما تنغفر ذنوبنا ان شاء الله
[=]عن أبي هريرة رضي الله عنه قال :قال رسول الله صلى الله عليه وسلم :"من صام رمضان إيماناً واحتساباً غفر له ما تقدم من ذنبه [/color]"